hafrún

Ef ég fitja upp 160 lykkjur og eyk svo út um átta lykkjur þegar stroffinu lýkur og prjóna upp að handvegi þá langar mig að vita áður en ég byrja hvort þessi tiltekna peysa sé prjónum með einni sléttri og einni snúinni í stroffi og hvað það séu svo margir sentimetrar upp að handvegi á þessari einu og sönnu peysu.....

Ég keypti léttlopa í pils í dag handa VerðandiTrúabragðafræðingi.  Þú ættir að sjá lopakjólinn í prjónablaðinu sem ég fjárfesti í. Nú er bara að taka upp prjónana...

Hvenær starfar prjóna-föndur-teikni-göngu-klúbburinn okkar eiginlega á þessu ári ?

Svo er það Þórsmörkin hafrún...  og nestið okkar.  Er það ekki kaffibrúsi og upphellingargræjur í þessari ferð ?   Koníakið og Laufabrauðs-skurðhnífurinn ?  pepsímax og beinharðir peningar ?

Ef mig bráðvantar norskar ullarbrækur og ullarbol hvert á ég þá að fara til að versla þessar græjur ?   Og fæ ég þá vettlinga þar ?

Eru svefnpokamál á hreinu eða kemur þú til með að fjárfesta í einum slíkum fyrir mig á morgun ?

hafrún.....  ertu til í að lesa bloggið mitt og svara þessum spurningum fyrir klukkan þrjú á morgun ?

Athugasemdir

[Ásthildur Cesil Þórðardóttir, 5.12.2008 kl. 11:35]

Já það er eins gott að fá hlutina á hreint Ella mín.  Vonandi færðu svar

[Elín Helgadóttir, 7.12.2008 kl. 22:58]

Ruslana þakka þér fyrir...

Ég fékk ítarlegt svar löngu fyrir klukkan þrjú Ásthildur...  enda varð ég að fá hlutina á hreint :)