já ArtDan ég veit....

Þið karlkynsstarfsmenn fyrr og nú á Mínum Vinnustað eruð annað hvort giftir, samkynhneigðir eða bara hreinlega of ungir til að gera sér dælt við mig.

Ég veit.........

En ég vil ekki sætta mig við það og því geng ég um og segi GrískaGoðinu hvað hann er fallegur í hvert sinn sem ég sé hann.  Í hvert sinn sem hann er í eldhúsinu geri ég mér ferð þangað inn og ef það er eitthvað sem hann biður mig um, stekk ég upp og framkvæmi það strax.

Ég ætla með honum á skíði á Ísafirði eftir jól.  Ég ætla með honum á Fimmvörðuháls næsta sumar og ég ætla með honum í ævintýraferð út í heim við fyrsta tækifæri.

Þessi hrifning mín gengur svo langt að stundum mæti ég í vinnuna mína bara til að fá tækifæri til að líta hann augum.

En hvernig er það með þig ArtDan... afhverju er ég hætt að hafa tækifæri til að hlusta á rödd þína streyma klukkutímunum saman úr símtólinu....  afhverju er ég hætt að hafa tækifæri til að horfa aðdáundaraugum á þig meðan þú talar um það sem tala þarf um.... afhverju ertu komin svo langt í burtu að ég hef ekkert tækifæri til að slefa yfir ermahnappana þína...

Ég er í körgu skapi........

Athugasemdir

[Ásthildur Cesil Þórðardóttir, 11.11.2009 kl. 21:01]

Þessi ArtDan kann sko ekki gott að meta.  En hmm skíði á Ísafirði eftir áramót, þýðir að þá hittumst við ekki satt!! Það er alltaf einhversstaðar pláss í kúlu.

[Elín Helgadóttir, 11.11.2009 kl. 23:47]

æði... tek þig á orðinu!

og það er alveg satt hjá þér ásthildur þessir strákar sem ég vinn með kunna ekki gott að meta.   Þeir meta mig sko ekki að verðmætum......