heimsókn....

Bæði í vöku og draumi þvælist fyrir mér svartur köttur......

Ég var að byrja í vinnu eftir sumarfrí og hef eytt þessum þremur dögum sem komnir eru í að biðja um launahækkun, hækkun á starfsprósentu og aukavaktir.   Eina svarið sem ég fæ er bros út í annað og  'NEI' !!     Ég er sko ekki sátt.......

Á Mínum Vinnustað er gott að vera og yrði sko enn betra ef ég fengi viðunandi laun fyrir verk mín eða ef starfsfólk bæði fyrr og nú drullaðist til að vera á staðnum.

SætaSjúkraliðaSkvísan er hætt og stundum sakna ég hennar gífulega.  Sérstaklega þegar þvottahúsið, línið og skáparnir inni á klósettunum eru orðnir eins og á verstu lestarstöð....
Toppmaðurinn er líka hættur og ég sakna hans alltaf þegar hávaðinn er  komin yfir viðunandi mörk og reyndar í öll hin skiptin líka....
ArtDan er hættur og ég sakna hans og hans óendalegu tjáningarþörf...  það var aldrei leiðinlegt á vakt með honum......
FrekaSjúkraliðaKonan er einnig hætt og ég sakna brosins hennar og hennar einstaka lags á því að kvarta undan öllu sem kvarta þarf undan...
Nördið er í fríi og ég sakna athyglinnar sem hann veitir mér þótt í eigin hagsmunaskini sé...
GunniGötustrákur er í frí og mig langar í pönnukökur...

Auðvitað sakna ég Ofurhjúkkunnar, Blómarósarinnar, Eyjapeyjans, Læknanemans, Fréttahauksins, Tónlistagúrúsins, Kjötiðnaðarmannsins og allra hinna sem unnið hafa með mér á þessum stað......

En GunniGötustrákur ferð þú ekkert að koma heim.....

í kvöld hrundu himnarnir yfir mig.....

...en sem betur fer á ég vinkonu sem kemur mér alltaf til bjargar.

Þegar kemur að flóknum tölvuaðgerðum tekst mér alltaf að klúðra hlutunum svo illilega að vinkona mín byrjar að blóta fyrirtækinu HugurAx og það þarf sko mikið til að vinkona mín blóti.....

Samt breytti þetta klúður áformum mínu fyrir morgundaginn.  Eftir vinnu verð ég að fara í aðra vinnu í stað þess að ganga Esjuna.

Og það er sko bara fuckings fock.....

Í kvöld tóks mér að fá Heiðingjann til að lána mér hjólið sitt í nokkra daga með því að biðja hann fallega úr símanúmeri systur hans.  Maðurinn er sko draumur í dós.   Núna get ég þjálfað lærvöðvana á ánægjulegan hátt fyrir Laugavegsgönguna.  Laugavegsgönguna sem ég fer í eftir rúmar tvær vikur með spretthörðum hörkutólum af Mínum Vinnustað. Ég er farin að trúa því að barnaskólavinkona mín fari betur í málin heldur en ég en hún vill alltaf hafa nokkra ára fyrirvara á svona draumaathöfnum.  Fyrirvara til að þjálfa sig upp......

núna vil ég bara þögn....

hreyfing:    3 km. rölt móð og másandi...
næring:    allt sem var til í skápunum á Mínum Vinnustað...

Ég var búin að gleyma því hvað það getur oft verið geðveikt að vera á Mínum Vinnustað..

hreyfing...

hreyfing:    á föstudag gekk ég í Esjuhlíðum...   Laugardag gekk ég Leggjabrjót og í gær tók ég strauið eftir malbikuðum stéttum Grafarvogs.....
næring:    á föstudag var það kjúklingur með hrísgrjónum...  laugardag grill í góðra vina hóp og í gær bauð Tenórinn mér upp á piparsteik að hætti húsins....

Í gær, vel minnug þess orkuleysis sem þjáði mig á ákveðnum tímapunktum á leið upp frá  Botni, var ég sannfærð um að ég væri í engu formi til að ganga Laugaveginn eftir þrjár vikur.   Í dag reikar hugurinn samt meira til þess að eftir að ég kom niður á jafnsléttu hinum megin eftir nákvæmlega fjóra klukkutíma og korter fannst mér ég alveg geta gert þetta fljótlega aftur...   Við létum okkur það meira að segja ekki nægja að ganga bara þessa rúmu 17 kílómetra leið heldur bættum það betur með rölti út í þjónustumiðstöðina.   Alls 19,5 km.....

þjálfun...

hreyfing:    rölt á eftir einni tveggja ára bráðum og hjólreiðaferð um vesturbæ Kópavogs...
næring:    grænmetissúpa með blómkáli í aðalhlutverki...

Þrjár vikur í The Laugarvegsgönguna og ég hræðist það að ég verði móð og másandi á eftir sprækum ferðafélögum..  
Um helgina ætla ég að ganga Leggjabrjót, Esjuna og hringinn í kringum vesturbæ Kópavogs.   Síðan ætla ég að hvíla mig fram á mánudag en þá kem ég til með að ganga í og úr vinnu.

Það styttist í Humarhátíð......

radísur....

hreyfing:    hálfur kílómetri í Salasundlaug og hnébeygjur í skólagörðunum..
næring:    spínat, múslí, AB-mjólk og banani...

Ég sit og spái og spekúlera.  Það verður að segjast að það er ekki oft sem ég geri það.  Yfirleitt tek ég bara ákvarðanir eftir hamingjustuðli mér til handa. 

En núna vantar mig símaskrána fyrir árið 2008.   Er einhver sem tímir að lána mér hana eða veit hvar ég kemst í hana ?

lærdómur....

hreyfing:    engin...
næring:    grillaðar rækjur, grillaðar lambalundir og jarðaber og bananar í rjómakremi...

Ég var að koma frá Selfoss þar sem við kíktum í bolla, létum hugsanar flæða og röbbuðum um daginn og veginn þess á milli þess sem við úðuðum í okkur góðgæti....

Eftir því sem Piaget segir komst ég aldrei af fyrst þroskaskeiðinu af þremur.  Ég er alveg að finna samsömun í Veruhyggju eða því að ganga út frá því að hlutirnir séu bara eins og þeir eru; án þess að leita frekari svara.   Fiskar eru með ugga afþví að það eru uggar á fiskum o.s.fr. 

Eins og ég er aðdáandi Dewey er ég aðdáandi Piaget.   Á náttborði mínu liggur Litla Piaget kverið og Reynsla & Menntun ásamt Krossgátublaðinu, Sudoku-þrautakassanum og skrifblokkinni.

Afhverju nenni ég ekki að læra..........

í gær...

hreyfing:    labba fram og aftur á eftir tveggja ár.
næring:    skúffukaka...

Í gærmorgun breyttust kæliskápamál mín gífurlega.  Allt í einu tvöfaldaðist geymslupláss í frystihólfinu og matarbirgðir ískápsins rýrnuðu um helming.   Í dag geri ég ekkert annað en að opna og loka þessari hirslu með aðdáundarglampa í augum...
Nördið kom aðeins til að sjá hvernig ætti að reikna út næringarinnihald þeirra matvæla sem hann lætur ofan í sig en hann fer undarlega leynt með hvaða mætvæli það eru sem hann innbirgir daglega.   Ég fæ ekki að sjá matardagbókina hans !!!!
Þar sem Nördið er karlkynsvera gleimdi hann að mæta með það sem til þarf til verksins svo að ég sit hér og bíð eftir að hann álpist inn úr dyrunum annan daginn í röð til að læra reiknisaðgerðina.
Reyndar þurfti ég að klæða mig sérstaklega upp í morgun til að ná í bók sem hann eyddi klukkutímum í að leita að í gær... hann er blindur strákurinn, ekki skrítið þó að hann geti ekki reiknað án aðstoðar.......

Ég er að fara á Selfoss á eftir.

loforð....

Eftir langan og strangan hjólreiðatúr fyrir mannesku sem þjáist af baktaki lagðist ég yfir vídeó með afkvæminu sem býr ennþá heima...  

Auðvitað varð fyrir valinu dramatísk unglingamynd  -NICK&NORAH'S infinite playlist-  þar sem kossar og kynlíf komu mikið við sögu.  Ennþá undir áhrifum myndarinnar, nýháttuð og með hugann bundinn við þrautalausn gelti hundurinn og með það sama var dyrabjöllunni hringt.  Eftir að hafa skýlt nekt minni að mestu, hentist ég til dyra og skyndilega fylltist dyragættin af karlhormónum.    Þar sem ég stóð yfir mig heilluð og lagði fram rök fyrir því hvers vegna ég neitaði að taka við lyklinum sem að mér var rétt, bauð ég fram hjálp mína í dag.

Núna sit ég og horfi á Gemsann minn og er ekki alveg viss hvort hann virkar eða hvort ég vil að hann virki.......

á leið í hjólreiðartúr....

hreyfing:    inn og út úr bíl á leið til Reykjavíkur...
næring:    kjúklingur grillaður í Nóatúnsbúðinni í Hamraborg með spínati og ost... 

Baktakið sem hefur þjáð mig undanfarið er á undanhaldi.  Ég get hreyft mig milli þess sem ég ligg út af eða sit.  Ég þorði samt ekki fyrir mitt litla líf að bjóða fram aðstoð mína við flutninga núna í kvöld þótt mig langaði pínu...
Hér eru óhrein matarílát, óhrein föt og ólesinn póstur út um allt hús. Verðandi framhaldsskólanemi áttar sig  ekki ennþá á því hvað verður um rusl og óhreinindi og sat því hér miður sín yfir því að það hafði ekki horfið áður en ég kom heim þrátt fyrir væntingar hennar þess efnis....
Ég held ég láti það samt bíða fram á morgun að taka á því sjálf því ég verð bara að fara út og heilsa upp á kvöldsólina...