mig langar í súkkulaði..

Eftir fjögur koddaver, taubleiju og eina eldhúsrúllu virðist nefrennslið í sjötnun.

Allir Akureyringarnir sem skilið hafa eftir sig fótspor á stofugólfinu mínu í þessum mánuði eru farnir til baka á sinn stað á hjara Íslands.  Eftir sit ég og nenni ekki að hreyfa mig.

Ætli ég komi mér ekki í vinnu.......

veðursældar fælni og transfita....

matarkexátið í gær var víst ekkert meira en ofát á transfitusýri....  enda 0,14 grömmum of mikið að því fjandsamlega efni í 100 g. af kexkökunni samkvæmt innihaldslýsingu.

Hvort þetta ofát verkar svo þannig að velðursældar fælni þjáir mig í dag veit ég ekkert um....  en þessi fælni er alveg að fara með mig.

Þrátt fyrir fjarveru frá vinnu vegna alvarlegra einkenna fór ég heim til Tenórs áðan til að óska honum til hamingju með daginn.   Maðurinn er fjörutíuogátta ára í dag.  Heima hjá honum voru mamma hans og pabbi auk hluta af systkynum og systkynabörnum. 

strange...

Núna ætla ég að skríða í rúm og væta koddann.....

hor...

.....ógeðslegur slímmyndandi vökvi sem lekur frá nefi mínu á hraða ljósins.....

Mér finnst ég vera að drukkna.

hlaupaáætlun...

Ég er með æfngarprógramm sem fær mig til að trúa því að ég verði fær um að hlaupa fimm kílómetrana áður en haustar að....

Upphitunin er rösk ganga niður að tjörn þar sem prógrammið hefst.  Ætlunin er að fara þrisvar í viku og berjast við þyngdarlögmálið sem vill halda mér sem næst jörðu á sem minnsta hraða og ná því að fljúga með jörðu á hraða vindsins....

Útivistinni lauk svo óvænt þegar ég rakst utan í konu sem ég þekki frá Hornafjarðarárunum mínum.  Við settumst að spjalli í Hlíðargarði sem leynist í Kópavogshallanum fyrir neðan götuna mína...  Alveg mögnuðum garði.

En núna sit ég í stofunni minni með mjólkurglas og matarkex og hugsa um Tenórinn sem á afmæli á morgun. 

markmið....

Framtíð mín er vörðuð góðum fyrirætlunum...

Það er bara spurning hvort það er of langt á milli varðanna. 

Orðum ofaukið..

Ég ætla, ég ætla.....

Ég geri ekki alltaf allt sem ég ætla mér.  

StarTrek-sýning

Miðað við hvað vedur.is segir þá verð ég að klæðast regnfötum á leið minni til vinnu á morgun....

Miðað við að ég fer að kenna eftir vakt á Mínum Vinnustað verð ég að hafa aukaföt með í bakpoka....

Miðað við að ég var að koma úr bíó sem ég fór í með Tenór eftir langan annasaman dag verð ég að fara að koma mér í rúm ef ég ætla að vakna hálf sjö....

Miðað við allt og allt er ég bara nokkuð góð.

I wonder how things would have been different....

ó, þá voru dýrðlegir draumar,
er dagarnir komu og fóru
og allir með eitthvað er gladdi,
þó aðeins í hillingum fjarri,
ég ætlaði, ætlaði þangað,
en eitthvað á veginum tafði,
uns æska mín fluglétt sem fuglinn
var farin, og skildi mig eftir.  Halla Eyjólfsdóttir

Ég vakti litlu systur með söng, tertu og pakka morguninn sem hún hætti að vera tuttuguog níu..  Hún bíður mér svo í partý í kvöld heima hjá Froskinum.

Í gær fór ég ásamt Krílinu, The Dömu og HjúkkunniSemStalNafninuMínu til að gleðjast með Toppmanninum yfir því að hann sé búin með enn eitt árið.   Við færðum honum tertu, bjór, rauðvín, mjólk og rjóma og sátum svo hjá honum þart til það var orðið löglegt að syngja....  

GunniGötustrákur og Nördið komu þarna eitthvað líka, í sitthvoru lagi þó,  og ræddu um 'kisur' þar til við vorum farnar að skæla og æla og vildum allt bæla.

Núna elda ég svo kvöldmat handa gestum mínum, með bros á vör, því ég er búin að taka 5 kílómetrana á göngu, skokki, skriði og rölti....

ái...

..ég er að farast úr harðsperrum.

kapp er best með forsjá...

Ég hlustaði lengi og hljómana skildi
hjarta mitt barðist af óljósri þrá,
gat ekki séð, hvað það var, sem ég vildi,
viðkvæm og hugfangin þar sem ég lá,
vissi það eitt, að um ást gat ég talað,
og eldinum heitari varð þá mín lund,
en hvort henni yrði í sannleika svalað,
sál minni duldist á þessari stund. Halla Eyjólfsdóttir

Ég fór í Bókasölu Stúdenta og keypti mér ljóaðbók.   Ég keypti mér líka How to Eat, Move and Be Healthy og bók sem heitir Heilbrigði og samfélagið.     Ég er alveg að verða búin að lesa þær spjaldanna á milli.

Í dag ætla ég að labba á Helgafellið.  Ég ætla líka að mæta  á tónleika með Vox Feminae 'Þar sýprus grær'. í kvöld....
þegar halla tekur degi á ég svo von á gestum.  Mamma mín, Litla Systir og Fallegasti Litli Frændi í Heimi æta að vera hjá mér fram yfir helgi.  Þess vegna hamast ég við að skúra gólf, þvo þvott, þrífa og þykjast vera myndalegri en ég er......

Þessi annasemi tekur á.  Í gær var ég orðin úrkulu vonar um að ég myndi hreyfa mig þann daginn svo að ég skutlaðist í Turninn og tók tvisvar sinnum strauið upp.  Þar sem vitið vék fyrir framkvæmdum staulast ég núna um með harðsperrur lífs míns.

Ég verð að reyna að hafa vaðið fyrir neðan mig framvegis......  eða eitthvað.